أما بعد.. تانى مرة

من فترة بسيطة.. احتفلت بيوم الاستقلال

الذكرى السنوية الأولى للمأسوف على شبابها الخطوبة

أنا كويس الحمد لله

مابقيتش عايز أولع فى الصنف كله زى الأول

وفى الواقع يعنى.. بدور على عروسة كمان.. ههههههههه

لكن أكيد اتغيرت

معظم تجاربى اللى قبل كده نتج عنها تغيير.. لكن كانت بتبقى عقد نفسية أكتر ما هى استنتاجات وتحليلات

يمكن عشان كده حاسس ان المرة الى جاية هتبقى التابتة... عادى بقى.. الخامسة تابتة.. هههههههه

الجميل بقى انى غيرت حياتى تماما

بعد ما كنت مرابط فى البيت.. ونادرا ما باخرج

بقيت اجتماعى ومتعدد الأنشطة

خروج وفسح.. حفلات.. موسيقى.. أفلام.. خيل.. معارض.. متاحف

والأجمل انى اتعرفت على عدد كبير من البشر.. منهم ناس بقوا أصدقاء مقربين كمان

ومنهم بنات تنفع عرايس برضه.. ههههههههه

بس كل ما تعجبنى واحدة تطلع مش فاضية

صدق اللى قال

All the good ones are taken

خطيبتى السابقة اتخطبت

ده خبر يسعدنى.. كان هيبقى احساس سيء قوى قوى لو كان تأثيرى عليها مدمر

انما الحمد لله.. شكلها تعافت وبتكمل حياتها عادى أهه

ربنا يكرمها يا رب.. ويتمملها على خير

كان فى محاولة للرجوع.. مش لخطيبتى (السابقة) ولا اللى قبلها

أيوة.. اللى قبلها.. بتاعة أغنية الشتا

لكن.. هيفضل اللى كتبته عنها حقيقى

وهيفضل الشيء الجميل فى القصة دى انها مانتهتش

هتفضل اشتياق إلى الذى لن يتكرر

الخلاصة...

أنا أحسن من الأول

لسه عايز أتجوز (للأسف)

لكن مابقيتش مستعجل ومتسربع زى زمان

عندى فكرة كويسة عن مشاكلى وبحاول على قدر إمكانى انى ماكررهاش

وعندى أمل ان بكرة أحسن وأجمل من النهاردة

اللى عنده ليا عروسة لقطة مايخبيهاش بقى

تخاريف تاريخ

لنتخيل للحظة أن المماليك البحرية قرروا الثأر لأقطاى فور تولى قطز عرش مصر وقبل معركة عين جالوت

وبعد اغتيال قطز على يد بيبرس, يكتشفوا أن قطز كان قد عين نائبا للسلطنة

وهو من فصيل آخر غير المماليك البرجية, وبالتالى فإن مماليك البحرية ليس لهم أحقاد عليه

اسم هذا النائب مبروك, وهو من مماليك الطيران

يتحول النائب لسلطان فى ظروف سيئة للغاية

الوضع الاقتصادى فى الحضيض من جراء الحملات الصليبية المتعاقبة

الجيش مفكك ما بين صراعات المماليك

والتتار أبادوا بغداد ويواصلون زحفهم غربا فى اتجاه إمارات الشام

يعلن السلطان أن الوضع الاقتصادى هو الأولوية الأولى فى البلاد

يبحث السلطان عن زيادة موارد البلاد, ويكون الحل فى فرض الضرائب

لكن لابد من سند شرعى ليقتنع الشعب بدفع الضرائب, لأنه وإلى وقتها, كان المفروض عليهم الزكاة فقط

يفتى الشيخ العز بن عبدالسلام بمشروعية ذلك, لكن يجب على المماليك البدء بأنفسهم والتبرع بكل ممتلكاتهم أولا

يسجن العز بن عبدالسلام بتهمة قلب نظام الحكم

ويفتى الشيخ سنطاوى بأن الضرائب مشروعة على إطلاقها, ولا قيد على ممتلكات المماليك

فى ذات الوقت يخشى السلطان من خطر التتار

لكنه أيضا, ونظرا لايمانه الشديد بنظرية "بق الأسد", يستبعد الحرب

يحاول عقد سلام مع هولاكو ليتجنب ويلات الحرب

يوافق هولاكو على السلام لتحييد مصر مؤقتا ليفرغ من إمارات الشام أولا

كما يفرض شروطا على حجم وتمركز الجيش المصرى

يظل أمراء الشام على تفرقهم وصراعاتهم, بل أن بعضهم فكر فى السيطرة على مصر مما يؤدى لسيطرة التتار على أغلب المنطقة

كما أن أمير حمص يفضل التعاون مع التتار فى مقابل أن يحكم الشام باسمهم

يحاول الباقين من أمراء الشام التحالف مع مصر لصد التتار, لكن السلطان يتعلل باتفاقية السلام المبرومة معهم, كما أنه لا يزال يرفض بشدة وضع يده فى بق الأسد

فى ذات الوقت, تسوء الأحوال الداخلية فى مصر لأن الضرائب زادت على الناس بشدة دون أن يروا أى تحسن فى البلاد

يواجه السلطان تذمر الشعب بمنتهى العنف كما يبذر الفرقة فى أى تجمع ضده

يزداد توحش المماليك وغناهم على حساب الشعب المصرى المسالم

بعد أن يسيطر هولاكو على كل الشام, تتجه أنظاره إلى مصر ثانيا

يثير التتار المشاكل على الحدود, ويختلقون الأعذار لنقض معاهدة السلام

يختلف الناس فى مصر, بعضهم يلوم أمراء الشام على تفرقهم

وبعضهم تغلغلت داخله نظرية بق الأسد ويرفض أن يحارب

وآخرون لا يروا مشكلة فى دخول التتار أصلا

والأغلب مشتتون متفرقون ينتظرون عودة صلاح الدين

بديهيات

من الأول خاااااالص

1- اسرائيل كيان استعمارى عنصرى

2- اسرائيل عندها هدف معلن, باكرر .. معلن, وهو "من النيل والى الفرات"

3- اسرائيل تحتل أراضى عربية منها أرض مصرية (أم الرشراش المعروفة الآن باسم ايلات) الى الآن

4- اسرائيل لا تعترف بمبادئ أو أخلاق ولا منطق عندها الا القوة

5- من 73 للآن مصر لم تطلق رصاصة تجاه اسرائيل أو اسرائيليين (باستثناء الشهيد سليمان خاطر)

6- مقاومة الاستعمار الاسرائيلى حاليا مش فاضل منها غير حماس وحزب الله

7- الأنظمة العربية الحالية كلها فى قمة الفساد والتخاذل

8- حماس منتخبة فى انتخابات نزيهة بجد مش زى نزيهة اللى عندنا

9- معنى كده ان الفلسطينيين اختاروا انهم يقاوموا

10- مقاومة المحتل حق مشروع (ما بالك لو كان بيرتكب مذابح)

11- النظام المصرى الحالى مشارك فى حصار غزة وتجويعها بقاله سنة ونص

12- النظام المصرى الحالى هو أكبر مورد للبترول والغاز لاسرائيل (بأسعار مدعومة أقل من سعر التكلفة)

13- الفلسطينيين, زيهم زى المصريين, وزى أى جنسية تانية, منهم الشرفا ومنهم العملا

14- مفيش على الأرض ملايكة, وكل الناس معرضة تغلط, واكيد اللى عليه ضغط أكبر ممكن يغلط أكتر

15- مصر هى الدولة الوحيدة اللى ليها حدود مع غزة (اسرائيل مانعة الامدادات عن طريق البحر)

16- محدش طلب من مصر تعلن الحرب على اسرائيل

17- السياسة فيها أكتر كتير من مجرد اختيارين.. اللى هم التواطؤ أو إعلان الحرب

18- مجرد انكار حق المقاومين انهم يقاوموا ده تواطؤ, مهما اختلفنا معاهم أو مع توجهاتهم

شتا

لما الشتا يدق البيبان
لما تنادينى الذكريات
لما المطر يغسل شوارعنا القديمة والحارات
ألقاني جايلك فوق شفايفي بسمتي
كل الدروب التايهة تنده خطوتي

أن تحنو الى قصة قديمة انتهت منذ سنوات
لكنك تعرف يقينا أنك لن تحب أبدا مثلما أحببت فيها
ربما تتزوج وتنجب وتبنى عالما كاملا لك بدونها
لكن بداخلك احتياج لم يمتلئ أبدا
لأنك لم ترغب يوما سواها

مش جاي ألومك عاللي فات
ولا جاي أصحي الذكريات
لكني بأحتجلك ساعات
لما الشتا يدق البيبان

حقا تعرف أنكما لا تتفقان ولن تكتمل تلك القصة أبدا
لكنك لا تملك إلا أن تشتاق إلى ذلك الذى لن يتكرر

أن تؤمن بالله اختيارا

هل حقا توجد أدلة علمية على وجود الله
لا أعتقد
قطعت شوطا فى هذا المجال
قرأت كتبا مع وضد
مناظرات
ووصلت الى أن
لا يمكن علميا اثبات وجود الله
كما لا يمكن نفيه
الموجود دلائل
يمكن أن تعنى وجود الله
كما يمكن أن تؤدى نفسها الى تفسيرات أخرى
لا مجال لإجابة قطعية علميا
لكننى آمنت بوجود الله
آمنت لأن القرآن أجمل من ألا يكون كتاب الله
آمنت لأننى لن أحتمل قبح العالم بغير وجود رب يحاسب

أما بعد

يااااه
كان مشوار طويل
وانتهى الحمد لله
خلاص
خدنا وقتنا فى تفريغ الانفعالات
طلعنا كل ردود الأفعال الانفعالية
نفكر بقى
فين المشكلة
دى كانت رابع تجربة ارتباط فاشلة
أكيد فى حاجة أنا بعملها غلط
أنا بقارن ما بينى وبين الشباب اللى خطب واتجوز ومبسوط
هى طبعا المقارنة كمبدأ مش أفضل حاجة عشان كل واحد وظروفه
غير ان ممكن علاقة يكون شكلها تحفة تبقى فاضية وفاشلة جدا من جوة
لكن أنا بحاول أشوف شىء مشترك
يمكن المشكلة انى بدور على علاقة مش فاضية
يمكن فعلا المشكلة انى بحاول ابنى علاقة على كذا محور
بدور فى عقلية البنت اللى معايا
بحاول أفهمها
يبقى أنيس منصور كان عنده حق هههههههههه
لأ بجد
هى أول مشكلة عندى انى مستنى يكون فيه اتزان استاتيكى
يعنى كل واحد عارف اللى ليه واللى عليه وخلاص
لكن ده مش واقعى
لازم الواحد يبلطج ويفرض منطقة نفوذ أكبر من حقه
ولما أنا أبلطج وهى كده كده بتحاول تبلطج هنوصل لوضع أكيد أفضل من اللى أنا كنت فيه
طيب كده وصلنا لأرضية مهمة
1- الجواز علاقة جسدية فارغة
2- البلطجة هى الحل
اذن
أقر أنا الموقع أدناه
انى تخليت تماما عن فكرة الرجل المتحضر
وأن المرأة هى مجرد جسد للاستهلاك
وأنه "صنف نمرود ميجيش غير بالدق" وبالمناسبة.. فى بنات كتير جدا مقتنعة بكده
وليسقط قاسم أمين وجون جراى

يقطع الجواز ع اللى عايز يتجوز

هو أساسا صنف عايز الحرق
يجيب الجنان
ومايجيش غير بالدق على دماغه
كل ما الواحد يقول خليك متحضر
سيبك من موروثات المجتمع المنيل ده
تطمع هى
تديها صباعك
عايزة تاكل دراعك
لأ يعنى آه
آه يعنى لأ
عايزة ومش عايزة فى نفس الوقت
وحوارات ورغى على الفاضى
وكله كوم
وحوار الفراغ ده كوم تانى
واحدة فاضية
بتخلص شغلها وبعد كده مش عايزة تقعد لوحدها
لازم حد يسليها
ويتكلم معاها
ويرغى
عشان ياااااااا حرام البنت مش لاقية حاجة مفيدة تعملها
ماهى لا بتدفع فاتورة تليفون
ولا مرزية فى شغلانتين عشان يادوب تعرف تجهز المطرح اللى هتتنيل فيه
ويقولك الخطوبة دى أجمل فترة
بلا جواز بلا هم
ماله الانحراف
تعمل اللى انت عايزه
من غير الوجه الآخر للعملة
لا رغى وهم
ولا نكد وغم
وديتها كارت ب 25 جنيه
مهو انا اللى فقرى